19-njy martda Aşgabatda geçirilen Halkara parahatçylyk we ynanyşmak ýylynyň çäklerinde guralan halkara maslahaty, sebitara we global ykdysady hyzmatdaşlykda täze başlangyçlaryň döremegine möhüm itergi berdi. Maslahatyň esasy temasy «Durnukly ösüşi üpjün etmekde sebitara ykdysady hyzmatdaşlygyň orny» boldy. Bu forumda Türkmenistan, halkara hyzmatdaşlarynyň we bilermenleriň arasynda möhüm pikir alşyldy.
Bu çäräniň esasy maksady – durnukly ösüşe ýetmekde döwrebap çözgütleriň tapylmagyna we ýurtlaryň arasynda has çuňňur ylalaşyklaryň gazanylmagyna ýardam bermek bolup durýar.
Maslahata gatnaşýan ýolbaşçylar we bilermenler ykdysady ulgamda täze döwrebap çemeleşmeleri ulanmak, ykdysady ulgamlary özara sazlaşykly ösdürmek we ýurtlaryň ykdysady kuwwatyny birleşdirmek boýunça teklipleri beýan etdiler. Munda esasy maksat, sebitde ykdysady ösüşiň depginini güýçlendirmek we ykdysady ykdysady gatnaşyklary giňeltmek bolup durýar.
Maslahatda halkara tejribesine esaslanyp, sanly tehnologiýalaryň we innowasion çözgütleriň ulanmagynyň ykdysady ösüşe nähili täsir edýändigi, şeýle hem häzirki zaman tehnologiýa transferiniň ösdürilmegi barada giňişleýin ara alnyp maslahatlaşyldy. Şeýle-de, halkara maliýe institutlarynyň tejribeleri paýlaşylyp, täze maýa goýum taslamalarynyň döredilmeginiň zerurdygy beýan edildi.
Maslahata gatnaşýan taraplar jemgyýetçilik abadançylygyny ýokarlandyrmak, tebigy serişdeleri tygşytly ulanmak we ekologiýa taýdan arassa tehnologiýalaryň işlenip düzülişiniň ähmiýetine ünsi jemledi. Bu meseleler jemgyýetde parahatçylygyň üpjün edilmegi we ýaşyl ykdysadyýetiň ösdürilmeginde möhüm ähmiýetli bolup durýar.
Halkara maslahatyň dowamynda, döwletleriň arasynda ykdysady hyzmatdaşlygyň ösdürilmegi üçin tehnologiýa, maýa goýumlary we täze taslamalar bilen baglanyşykly pikirler öňe sürüldi. Şeýle-de, maslahatyň dowamynda parahatçylygy we ynanyşmagy üpjün etmegiň ýollary boýunça pikir alyşmalar geçirildi.
Mundan başga-da, maslahatyň dowamynda, Türkmenistan özboluşly ýagdaýy we geoykdysady ähmiýeti bilen sebitara gatnaşyklary ösdürmekde möhüm rol oýnamakda uly maksatlara eýedigi bellenildi. Ýerine ýetirilýän ykdysady taslamalar, ulag we transport ulgamlary arkaly sebitleri birleşdirmäge we ykdysady ösüşi güýçlendirmäge ýardam berer.
Umuman, 19-njy martda geçirilen Halkara maslahaty sebitara gatnaşyklary ösdürmek, täze hyzmatdaşlyklary ýüze çykarmak we jemgyýetçilik durmuşyny has durnukly ýagdaýa getirmek üçin möhüm boldy. Bu çäre, ykdysady we diplomatik hyzmatdaşlygyň ösüşine uly itergi berdi, ýagny öňe sürlen pikirler we kabul edilen çözgütler geljekde halkara giňişliginde has uly netijeleriň döremegine ýol açar.
Ezizmuhammet HAJYÝEW
Döwletmämmet Azady adyndaky Türkmen milli dünýä dilleri institutynyň talyby
