Türkmenistanyň Prezidentine sekiz sany saýlama bedew sowgat berildi, Türkmenistanda ýylyň iň owadan ahalteke bedewi saýlandy, Arkadagda «Taýçanak» binasy açyldy, döwlet Baştutany Türkmen bedewiniň milli baýramy mynasybetli dabaralara gatnaşdy we beýleki habarlar
TÜRKMENISTANDA
1. Prezident Serdar Berdimuhamedowa Türkmen bedewiniň milli baýramynyň çäklerinde ýurduň ähli sebitleriniň we hukuk goraýjy edaralarynyň wekilleriniň adyndan sekiz sany ahalteke bedewi sowgat berildi. Döwlet Baştutanyna Ahal welaýatynyň ýaşaýjylarynyň adyndan Arkaç, Balkan welaýatynyň ýaşaýjylarynyň adyndan Gazal, Daşoguz welaýatynyň ýaşaýjylarynyň adyndan Diýar, Lebap welaýatynyň ýaşaýjylarynyň adyndan Güneş, Mary welaýatynyň ýaşaýjylarynyň adyndan Pälwan, Aşgabat şäheriniň ýaşaýjylarynyň adyndan Ynamly, Arkadag şäheriniň atşynaslarynyň adyndan Parahat atly bedewler sowgat berildi. şeýle hem döwlet Baştutanyna harby we hukuk goraýjy edaralaryň adyndan Watançy atly bedew sowgat berildi.
https://turkmenportal.com/blog/90441/prezidentu-turkmenistana-podarili-vosem-elitnyh-skakunov
2. Arkadag şäherindäki Aba Annaýew adyndaky Halkara atçylyk akademiýasynda Prezident Serdar Berdimuhamedowyň gatnaşmagynda «Ýylyň iň owadan ahalteke bedewi» atly halkara gözellik bäsleşiginiň ýeňijisini sylaglamak dabarasy boldy. Bäsleşigiň jemleýji tapgyryna dürli reňkli on sany saýlama ahalteke bedewi çykdy we 2020-nji ýylda doglan Meleguş atly mele at ýeňiji boldy. Ýeňiji bolan bedewiň seýsine Türkmenistanyň Prezidentiniň baş baýragy — «Toyota Camry» kysymly awtoulagyň açary, göçme kubok hem-de diplom gowşuryldy.
https://turkmenportal.com/blog/90442/v-turkmenistane-vybrali-samogo-krasivogo-konyaahaltekinca-goda
3. 2025-nji ýylyň 25-26-njy aprelinde medeniýet ministri Atageldi Şamyradowyň ýolbaşçylygyndaky Türkmenistanyň wekiliýeti YHG-niň Syýahatçylyk boýunça 6-njy ministrler ýygnagyna gatnaşmak üçin Erzurum (Türkiye) şäherine bardy. Duşuşykda syýahatçylyk pudagynda hyzmatdaşlygy pugtalandyrmak meseleleri ara alnyp maslahatlaşyldy. Ministr baý tebigy we medeni mirasa eýe bolan Türkmenistan üçin syýahatçylygyň strategiki ähmiýetine ünsi çekdi. Şeýle hem sebitde durnukly we gülläp ösýän syýahatçylyk pudagyny ösdürmäge gönükdirilen ikitaraplaýyn duşuşyklar geçirildi.
4. Türkmen bedewiniň milli baýramy mynasybetli baýramçylyk at çapyşygynyň geçirilýän pursatlarynda Türkmenistanyň Prezidenti Serdar Berdimuhamedow Monako Knýazlygynyň Şazadasynyň geňeşçisi, Parahatçylyk we sport guramasynyň prezidenti we esaslandyryjysy Žoel Buzuny kabul etdi. Duşuşykda sport ulgamynda hyzmatdaşlygy giňeltmegiň mümkinçilikleri, şol sanda Türkmenistanyň wekiliýetiniň Monako ýakynda amala aşyran saparynyň netijeleri ara alnyp maslahatlaşyldy. Taraplar geçirilen gepleşikleriň netijeleriniň ikitaraplaýyn gatnaşyklary täze mazmun bilen baýlaşdyrmaga ýardam etjekdigine ynam bildirdiler.
5. Türkmen bedewiniň milli baýramy mynasybetli Arkadag şäherinde «Taýçanak» atly binanyň we durky täzelenen Ahalteke atlary şaýolunyň açylyş dabarasy boldy. Binanyň öňündäki meýdançada türkmen toýuna mahsus baýramçylyk ýagdaýy emele geldi, medeniýet we sungat ussatlary aýdym-sazly çykyşlary ýerine ýetirdiler. Dabaranyň ahyrynda parahatçylygyň we abadançylygyň nyşany bolan dürli reňkli howa şarlary asmana uçuryldy.
6. Türkmenistanyň Prezidenti Serdar Berdimuhamedow Halkara ahalteke atçylyk sport toplumynda Türkmen bedewiniň milli baýramy mynasybetli ýaýbaňlandyrylan baýramçylyk dabaralaryna gatnaşdy. Döwlet Baştutany milli atçylyk däplerine bagyşlanan sergini we ýurduň welaýatlarynyň bu ýerde gurnan ak öýlerini synlady. Soňra baýramçylyk at çapyşyklaryna orun berildi, onda Türkmenistanyň Prezidentiniň baş baýragyna Bezirgen atly at mynasyp boldy. Çäräniň ahyrynda ýeňijileri sylaglamak dabarasy geçirildi we döwlet Baştutanyna Türkmen bedewiniň milli baýramy mynasybetli haly sowgat berildi.
7. Prezident Serdar Berdimuhamedow Türkmenistanyň Ýaponiýadaky Adatdan daşary we Doly ygtyýarly ilçisi Atadurdy Baýramowy, şol bir wagtda, Türkmenistanyň Täze Zelandiýadaky Adatdan daşary we Doly ygtyýarly ilçisi wezipesine bellemek hakynda Permana gol çekdi.
Döwlet Baştutanynyň ýene bir Permany bilen, Türkmenistanyň Türkiýäniň Adatdan daşary we Doly ygtyýarly ilçisi Mekan Işangulyýew, şol bir wagtda, Tunisdäki Adatdan daşary we Doly ygtyýarly ilçi wezipesine bellenildi.
8. Arkadag şäherinde Aba Annaýew adyndaky Halkara atçylyk akademiýasynda ahalteke atlarynyň gözelligini çeper beýan etmek boýunça döredijilik bäsleşiginiň ýeňijilerini sylaglamak dabarasy boldy. Türkmenistanyň Prezidenti Serdar Berdimuhamedowyň adyndan baýraklar haly eseri, at şaý-sep toplumy, nakgaşlyk eseri, heýkel eseri, neşir işi we wideoşekil ýaly alty ugur boýunça gowşuryldy. Ýeňijiler ahalteke atlarynyň medeniýetine we sungatyna bagyşlanan ajaýyp işleri üçin sylaglandylar.
DÜNÝÄDE
1. 2025-nji ýylyň maý aýynda Russiýanyň Ylymlar akademiýasynyň Kosmos gözlegleri institutynyň Gün astronomiýasy barlaghanasynyň alymlary geomagnit bozulmalarynyň birnäçe möhüm döwrüni çaklaýarlar. Aý 1-nji maýda magnitosferanyň tolgunmasy bilen başlar we 2-nji maýda güýçli magnit hadysasyna (Kp şkalasy boýunça 5) garaşylýar. 3-4-nji maýda gysga wagtlyk durnuklaşandan soň, ýene 5 – 7-nji maý aralygynda güýçli magnit hadysasy (5 Kp) bolar. 11-nji maýdan 17-nji maý aralygynda asuda geomagnit döwri bolar diýlip çaklanylýar, emma 18 – 21-nji maý aralygynda ýene işjeňlik artar. Magnit meýdanynyň üýtgemegine duýgur adamlara bu çaklamalary göz öňünde tutup, saglyk bilen bagly bolup biläýjek üýtgemelere taýýarlyk görmek maslahat berilýär.
https://turkmenportal.com/blog/90468/prognoz-magnitnyh-bur-na-mai-2025
2. Beýik Britaniýadan alymlar topary tirannozawryň DNK we kollagen böleklerini ulanyp, bu gadymy ýyrtyjynyň derisini döretmek taslamasyny yglan etdiler. Gözleg üçin esasy çeşme 1988-nji ýylda Montana şäherinde tapylan tirannozawr reksiň özboluşly galyndylary bolar, ondan dinozawryň kollagen böleklerini we hatda gan beloklaryny almak mümkin boldy. Gözlegçiler kollagen yzygiderliligini täzeden gurmak we laboratoriýadaky materialy ösdürmek üçin genetiki materialy deri öýjüklerine girizmek usulyny döretdiler. Taslamanyň esasy maksady ýokary çydamly we biodargap bilýän adaty deri önümçiligine alternatiwa hökmünde biologiki taýdan meňzeş tirannozawryň derisini döretmekdir.
SPORT TÄZELIKLERI
1. «Barselona» futbol boýunça Ispaniýanyň Kubogynyň finalynda Madridiň «Realyndan» goşmaça wagtda 3:2 hasabynda üstün çykdy. Gök-gyrmyzylaryň düzüminde Pedri, Ferran Torres we Žýul Kunde tapawutlandy. «Realyň» gollaryny Kilian Mbappe we Orelýen Tçuameni derwezä girizdi. Bu «Barselonanyň» Ispaniýanyň çempionatyndaky we Super kubogyndaky ýeňişlerden soň, bu möwsümde «Realdan» 3-nji gezek üstün çykmagy boldy.
https://turkmenportal.com/blog/90447/barselona-obygrala-real-i-zavoevala-kubok-ispanii-po-futbolu
